Онцлох мэдээ

Лхагва, 3-р сар 11 2020

АЙМГИЙН ОНЦГОЙ КОМИССЫН 10 ДУГААР ХУРАЛДААНЫ ШИЙДВЭР

Published in Онцлох мэдээ

Өнөөдөр /2020.03.10/ аймгийн Онцгой Комиссын 10 дугаар хуралдаан болж дараах шийдвэрийг гаргалаа.

ҮҮНД:

1. Монгол улсад Коронавируст халдвар /Сovid-19/-ын анхны тохиолдол батлагдсантай холбогдуулан аймгийн төв руу орох, гарах зорчигч тээврийн зорчих хөдөлгөөнийг 2020 оны 03 дугаар сарын 10-ны өдрийн 07:00 цагаас 16-ны өдрийн 07:00 цаг хүртэл түр зогсоож, орох гарах бүх чиглэлд хяналтын цэг /пост/ ажиллуулахыг Цагдаагийн газрын дарга, дэд хурандаа Б.Наранбаатар, Мэргэжлийн хяналтын газрын дарга Б.Мухамед, Онцгой байдлын газрын дарга, дэд хурандаа Б.Анхбаяр нарт,

АЙМАГ, СУМААС ОРОХ ГАРАХ ХӨДӨЛГӨӨНИЙГ ЗОГСООЛОО

Published in Онцлох мэдээ

Монгол Улсад шинэ төрлийн коронавируст халдварын анхны тохиолдол Дорноговь аймагт илэрсэн тул халдварын тархалтаас урьдчилан сэргийлэх зорилгоор Улсын онцгой комиссын шийдвэрээр нийслэл, аймаг, сумаас орох гарах хот хоорондын зорчигч тээврийн болон хувийн тээврийн хэрэгсэл, орон нутгийн хуваарьт нислэг, галт тэрэгний хөдөлгөөнийг 2020 оны 03 дугаар сарын 10-ны өдрийн өглөөний 07:00 цагаас 03 дугаар сарын 16-ны өдрийн өглөөний 07:00 цаг хүртэл зогсоосон болно. Иймд энэ хугацаанд аймаг, сумаас орж, гарахгүй байхыг анхааруулж байна!

Мөн коронавируст халдварын тохиолдол илэрсэн ГАДААДЫН ИРГЭН олон газраар явсан тул аль болох гэртээ байж, хүн амын бөөгнөрөл үүсгэхгүй байх, хувийн ариун цэврийн байдлаа сайтаар хангах, хяналтын постонд ажиллаж байгаа алба хаагчдад хүндрэл учруулахгүйгээр үйл ажиллагаанд нь хүндэтгэлтэй хандан, болзошгүй аюулаас урьдчилан сэргийлж, үүрэг гүйцэтгэж буй алба хаагчийн тавьсан хууль ёсны шаардлагыг биелүүлэхийг уриалж байна.

БАЯН-ӨЛГИЙ АЙМГИЙН ОНЦГОЙ КОМИСС